Bíblia em Pomerano - João 19.17-30 - Sexta-feira Santa

Texto bíblico de João 19.17-30

17 Yezus yünn lous un drouch hai zélbst dat krüts na déa xtél vat niént is Kalvário. (In hebréix-xprók hit dai xtél “Golgota”.)
18 Dó héva dai soldóta Yezus ant krüts nóchalt. Un héva ouk tvai anat ant krüts nóchalt, a an yeira zit fo Yezus. 19-20 Pilatos xikt a brét xriva un dat ant bóva zia fom krüts nóchla. Dó ve an-xréva in hebréix-xprók, latim un grego: “Yezus fo Nazaré, Könich fona Yuden”. Féél lüia léésta dat vail dai xtél vo Yezus an-nóchalt ve bleif dicht bina xtat. 21 Dun zéra dai xéfs fona praistas ta Pilatos:
— Xrif nich: “Könich fona Yuden”; óva xrif: “Deich meix hét zécht: Ik bün déa Yuden é Könich”.
22 — Vat ik xréva héf, héfk xréva! — antvout Pilatos.
23 Nó dém as dai soldóta Yezus ant krüts nóchalt hara, naimas zia tüch un dailta dat in faia daila, a xtük ta yeiram. Óva dai kapa ve ón neichan, gans in ains fo bóvan na una. 24 Dó véicha zéra dai soldóta a tam andra:
— Vif dat nich duó rita. Vif ous dat ut-louza ina nana, tam zain vé dó mit blift.
Dat is zou mókt voura tam in-hulan zous dai Hailich Xrift zécht:
“Héva zich mia tüch ina nana dailt un héva mina kapa ut-loust.”
Un is dat vat dai soldóta mókt héva.
25 Dicht bi Yezus zim krüts ve zin mama, un én xvésta, un Mari, Klópas zin fruch, un ouk Mari Madalena. 26 As Yezus zin mama za de, un dicht bi é dai yünna vat hai liiba de, zéra ta é:
— Dit is di yonn.
27 Nó dém zéra ta ém:
— Dit is din mama.
Un dai yünna hét Yezus zin mama mit nóma tam mit ém vónan fo dó an vira.
28 Nu vüst Yezus dat alas trécht ve. Dun, tam in-hulan vat dai Hailich Xrift zécht, zéra:
— Ik héf döst!
29 Dó ve ain xötal mit ésich. Dun hévas ain lum nat mókt mit dém ésich, dat up aina xtók xtéka, un Yezus ant munt hula. 30 As hai déa ésich drunnga ha, zéra:
— Is alas tam xtan!
Dun houla déa kóp runa un bleif dout.

#abíbliaempomerano #linguapomerana #semeandoapalavra