Bíblia em Pomerano - João 1.1-18 - DIA DE NATAL

Texto bíblico de João 1.1-18

1 Am anfannk dai vat dat Vout is, eksistit al. Hai ve mit Got un ve Got. 2 Fo anfannk an, ve dat Vout mit Got. 3 Duó dat Vout hét Got dai ganza daila mókt, un nüxt vat is, is mókt voura ón dat Vout. 4 Dat Vout ve dai kvél fom lévant, un dat lévant hét dat licht bröcht ta dai ganza lüia. 5 Dat licht xint im düstra, un dai düstaheit hét dat licht nich ut-mókt kréicha.
6 Ve a meix vat Yohanes haida de, vat fo Got xikt voura is 7 tam réran uóva dat licht. Hai is kóma tam dats ala duó ém dai nóricht höira küna un dó an löiva. 8 Yohanes ve nich dat licht óva is kóma tam réran uóva dém licht, 9 dat vórlich licht vat kóma is upt veilt un vat dai ganza lüia bixint.
10 Dat Vout ve upa veilt, un duó ém hét Got dai veilt mókt, óva dai veilt hét ém nich ként. 11 Dai vat dat Vout is, is kóma na zim aichna lant, óva zia fólk hét ém nich an-nóma. 12 Óva vék héva an ém löift un héva ém an-nóma, un déa hét hai dat récht yéft tam Got zin kina varan. 13 Dai zün nich Got zin kina voura duó dai natürlich zachan, dat is, zün nich yeboura zous dai kina fó aim menxlicha papa yeboura vara; dai aichan Got is é papa véést.
14 Dat vout is a meix voura un hét mannk ous vónt, gans ful liib un vórheit. Un vi héva zin hailich natur za, natur vat hai kréicha hét as ainslich Kint fom Papa.
15 Yohanes hét zécht uóva Yezus:
— Dit is dai vo ik fón zécht héf: "Hai kümt nó mi, óva is vichticha as ik, vail fo-hé as ik yeboura bün ve hai al."
16 Vail vi ala zün zéichant voura mit déa rikheit fo zim liiba, mit zéichan un meia zéichan. 17 Dat yezéts is yéft voura duó Mozes, óva dai liib un dai vórheit zün kóma duó Yezus Kristus. 18 Ka hét nichas Got za. Blous dai ainslich Yonn, vat Got is un vat an Papa zina zit is, is dai vat ous véza hét vé Got is.