Bíblia em Pomerano - João 11.1-45 - 5º Domingo na Quaresma

Texto bíblico de João João 11.1-45

1 A meix vat Lázaro haida de, ve krannk. Hai ve fo Betania, vo Mari un én xvésta Marta vóna dera. 2 (Mari ve dai zélbich vat Yezus rük-vóta upt fuit góta ha, un dai mit éna hó af-dröicht ha. Ve é braura, Lázaro, vat krannk ve.) 3 Dai tvai xvéstra héva xikt ta Yezus zécha:
— Her, dia xöin frünt Lázaro is krannk!
4 As Yezus dai nóricht vaidan kréich, zéra:
— Dai xlus fo deicha krannkheit is nich Lázaro zia dout. Dit deit pasira tam dat Got zin kraft biviza kan; un zou, duó deicha krannkheit, vaat dém Gotes Yonn zin hailich natur bivéza.
5 Yezus liibt zeia Marta, un én xvésta, un ouk Lázaro. 6 Óva, as hai vaidan kreich dat Lázaro krannk ve, bleiva nóch tvai dóóch dó voura ve. 7 Dun zéra ta zina yünnra:
— Vif tröich móka na Yudéia hén. 8 Óva zai zéra:
— Maister, is ain kuót tit hé dat dat fólk fo dó di dout móka vul mit xtain, un du vist tröich móka?
9 Yezus antvout:
— Hét dai dach nich tvélf xtun? Vén a bidóóch yeit, foambalda zich nich, vail züt dat licht fo deicha veilt. 10 Óva, véna óvants yeit, dén deida zich foambla, vail dén is ka licht.
11 Yezus zé dat un nó-hé dera vira fotéla:
— Ous frünt Lázaro deit xlópa, óva ik dau dó hén ta ém up-vókan.
12 — Her, vén hai xlópa deit, dat hét upzich dat hai gaut vara deit! — zéras.
13 Óva vat Yezus zécha vul ve dat Lázaro dout ve. Óva zai dachta hai de uóva dém xlópan fotéla. 14 Dun zé Yezus gans klóó:
— Lázaro is dout, 15 óva ik bün frou dat ik dó nich véést bün mit ém, vail zou vara yi löiva. Vif na zim hus hén.
16 Dun Tomas, dém vats "tsvilinng" niéna dera, zé ta déa andra yünnra:
— Vif ouk hén tam mit dém Maister dout blivan!
17 As Yezus dó hén kaim, ve Lázaro al faia dóóch fogróft. 18 Betania bleif nich drai kilomeita af fo Yeruzalem, 19 un féél lüia vera kóma Marta un Mari bizuigan tam é biruichan véicha ém braura zim dout. 20 As Marta vaidan kreich dat Yezus kóma de, is zai ém int yeichant gó. Óva Mari is tus zitan bléva. 21 Dun hét Marta ta Yezus zécht:
— Vén du hia véést veist, dén ve mia braura nich dout bléva! 22 Óva ik vait dat, bi al dém, Got di alas yéva deit vat du ém folanna deist.
23 — Dia braura vaat up-léva! — zé Yezus.
24 Marta antvout:
— Ik vait dat hai up-léva vaat am létsta dach!
25 Dun bixtün Yezus:
— Ik bün dat up-lévan un dat lévan. Vé an mi löift, bi al dém dat hai dout blift, léfta; 26 un vé léft un an mi löift, blift nichas dout. Löivst du dó an?
27 — Yó, her! — zé zai. — Ik löif dat du dai Mesias büst, dai Gotes Yonn, vat upt veilt kóma müst.
28 Nó dém as Marta dat zé, yünn zai hén un raip Mari, én xvésta, un zé é haimlich:
— Dai Maister is kóma un röpt di.
29 As Mari dat hööit, xtüns rax up, un yünn Yezus int yeichant. 30 Vail hai ve nóch nich hén kóma na déa xtél vous vóna dera, óva ve dó nóch vo Marta ém int yeichant kóma ve. 31 Dai lüia vat dó vera ta Mari biruichan, zaicha dat zai up xtó ve un rax véch gó. Dun yünnas é nó, vail dachta zai yünn nam graf tam dó hülan.
32 Mari kaim hén na déa xtél vo Yezus ve, un glik as ém za de, xmeits zich hén fuó zin fuit, un zé:
— Vén du hia véést veist, dén ve mia braura nich dout bléva!
33 Yezus zaich Mari hülan, un dai lüia vat mit é vera hülta ouk. Dun vouda zeia unruich un traurich 34 un frouch:
— Voua héva yi ém fogróft?
— Kum un kik, her! — antvoudas.
35 Yezus hült.
36 Dun zéra dai lüia:
— Kikt as vou hai Lázaro liiba de!
37 Óva vék fo é zéra:
— Hai hét aina blina yezunt mókt. Ha küt hai vól nüxt mók héva dat Lázaro nich dout bliva de?
38 Yezus vö véra zeia traurich. Yünn nam graf hén, vat a höl ve vo a xtaia fuó trünalt ve, 39 un órnt an:
— Trünalt déa xtaia fuó véch!
Marta, dém doura zin xvésta, zé:
— Her, hai deit al xlécht rüka, vail zün al faia dóóch hé dat hai fogróft is!
40 Yezus antvout:
— Héf ik di nich zécht zous, vén du löiva deist, dén züst du Got zin Herlichkeit?
41 Dun trünaltas déa xtaia fo véch. Yezus keik nam hímal un zé:
— Papa, ik dannk di vail du mi hööit hést. 42 Ik vait dat du mi üma hööist; óva ik zéch dit véicha deicha ganza lüia vat hia zün, tam dat zai löiva xóla dat du mi xikt hést.
43 As hai dat zécht ha, xreicha:
— Lázaro, kum ruta!
44 Un dai dour kaim ruta. Émzin hein un fuit vera tau buna mit luma, un zia yezicht ve in-rult mit aim dauk. Dun zé Yezus:
— Víkalt ém dai luma af, un lót dat hai lous yeit.
45 Féél lüia vat hén mókt vera Mari bizuiga, héva za vat Yezus dó mókt ha, un löifta an ém.

#abíbliaempomerano #linguapomerana #semeandoapalavra