Bíblia em Pomerano - João 9.1-7,13-17,34-41 - 4º Domingo na Quaresma

Texto bíblico de João 9.1-7,13-17,34-41

1 Yezus de gó as hai aina meixa za de vat blint yeboura ve. 2 Zin yünnra froucha:
— Maister, vorüm is deich meix blint yeboura? Ist véicha zina zün ura véicha dai zün fo zina papa un mama?
3 Yezus antvout:
— Hai is blint, yó, óva nich véicha zina zün un ouk nich véicha zin papa un mama én zün. Hai is blint dat duó ém Got zin kraft véza vara kan. 4 Vi muita abeira zou lann ast dach is, tam mókan dém zin zachan vat mi xikt hét. Vail dai nacht is bim kóman, vén ka meia abeira kan. 5 Zou lann as ik upa veilt bün, bün ik dat licht fona veilt.
6 Nó dém asa dat zécht ha, hét Yezus upt eia xpicht, a bits laim mókt, un déa laim an dém blina zin ouchan rana xméét 7 un hét zécht:
— Gó hén un dau di vaxa in dém tank Siloé. (Deich nóma hét upsich “Dai vat xikt voura is".).
Dai blin is hén gó, hét zia yezicht vaxt un as hai tröich kaim, küna za.
13 Dun hévas déa vat blint vést ve hén nóma na déa farizeus. 14 Dai dach vo Yezus laim mókt ha, un déa blina meix yezunt mókt fo déa blin-heit, ve zünóvants. 15 Dun héva dai farizeus ouk frócht vo hai yezunt mókt voura ve.
— Hai hét laim an min ouchan vixt, ik héf mia yezicht vaxt un nu za ik — anvout dai meix.
16 Vék farizeus zéra:
— Dai meix vat dit mókt hét is nich fo Got, vail rexpektit nich dat yezéts fom zünóvant.
Un anat froucha:
— Vo kan a zünda zoun grouda tsaichan móka?
Un dó véicha zünst nich ovarain kóma. 17 Dun héva dai farizeus véra dém meix frócht:
— Du zéchst hai hét di yezunt mókt fona blin-heit. Un vat zéchst du uóva ém?
— Hai is a profét! — antvout dai meix.
34 Zai zéra:
— Du büst ful zün yeboura un du vist ous inleira?
Un hévas ém ruta yócht fona sinagoga.
35 Yezus kreich vaidan dats déa meix ruta yócht hara uta sinagoga. Dun zöchta ém un, asa ém fina de, froucha:
— Löivst du an dém Gotes Yonn?
36 Hai antvout:
— Her, vé is dai Gotes Yonn dat ik an ém löiva kan?
37 Yezus zé:
— Du hést ém al za! Is hai vat mit di fotélt!
38 — Ik löif, Her! — zé dai meix. Un knait zich fuó ém.
39 Dun zé Yezus:
— Ik bün kóma na deicha veilt tam dai lüia richtan, tam dat dai vat blint zün za kóna, un dat dai vat za kóna blint vara.
40 Vék farizeus vat mit ém vera hööita dat un froucha:
— Mach dat vól upzich héva dat vi ouk blint zün?
41 — Vén yi blint vera hara yi kain xult! — antvout Yezus. — Óva, zous yi zécha dat yi za kóna, dén héva yi nóch xult.


#abíbliaempomerano #linguapomerana #semeandoapalavra