Bíblia em Pomerano - João 3.1-17 - 2º Domingo na Quaresma

1 Ve a farizeu vat Nikodemos haida de, vat a haupt fona yuden ve. 2 Ain nacht is hai Yezus bezuiga gó un hét zécht:
— Rabi, vi vaida dat du a maister büst vat Got xikt hét, vail ka kan deich tsaichan móka vén Got nich mit ém is.
3 Yezus antvout:
— Ik zéch di dat dit vó is: ka kan dat Gotes Raich za véna nich véra yeboura vaat.
4 Nikodemos frouch:
— Vou kan a ul meix véra yeboura vara? Kan hai vól tröich in zina mama éna buk, un véra yeboura vara?
5 Yezus zé:
— Ik zéch di dat dit vó is: ka kan int Gotes Raich rina kóma véna nich fom vóta un fom Gaist yeboura vaat. 6 Vat fom flaix yeboura is dat is flaix, un vat fom gaist yeboura is dat is gaist. 7 Dó véicha dau di nich vunra vail ik zécht héf dat yi ala véra yeboura vara muita. 8 Dai vint pust vora vil, un ma hööit déa radau vata móka deit, óva ma vét nich voura hé kümt un ouk nich voura hén deit. Dat zélbich dail pasit mit ala vat yeboura vara fom Gaist.
9 — Vou kan dat zin? — Frouch Nikodemos.
10 Yezus antvout:
— Du büst a xaul-leira fom Israel fólk un foxteist dit nich? 11 Un ik zéch di dat dit vó is: vi réra uóva dat vat vi vaida un bixtó up vat vi za héva, óva yi vila ous nóricht nich an-néma. 12 Vén yi nich an-néma dat vat ik zéch uóva dai zachan fo deicha veilt, vou vara yi dat an-néma vén ik yuch fotél uóva dai zachan fom himal? 13 Ka is houch mókt nam himal as dai Gotes Yonn, vat fom himal runa kóma is.
14 — Zou as Mozes, ina dröicha yeichant, dai zilba xlann houch buót hét, zou mut dai Gotes Yonn ouk houch buót vara, 15 tam dat dai ala vat an ém löiva, dat evichas lévan héva. 16 Vail Got hét dai veilt zou liibt, dat hai zina aichna Yonna yéft hét, tam dat yeira ainzich vat an ém löift, nich dout blift, óva dat evichas lévan hét. 17 Vail Got hét zina Yonna xikt tam dai veilt riéran un nich tam richtan.

#abíbliaempomerano #línguapomerana #leiaabíblia #semeandoapalavra