Bíblia em Pomerano - João 20.19-31 - 2º Domingo de Páscoa

Texto bíblico de João 20.19-31

19 In dém zélbicha zündach, nó-mérachs, vera Yezus zin yünnra toup, in-yexlóta, vail hara anngst fona yuden. Dun kaim Yezus, xtélt zich mannk é, un zé:
— Dai fré xal mit yuch zin!
20 Glik veiza é zin hein un zin zia. Un zai vöira zeia frou as déa Her za dera. 21 Dun zé Yezus véra:
— Dai fré xal mit yuch zin! Zou as dai Papa mi xikt hét, zou xik ik yuch ouk.
22 Nó dém pust Yezus uóva é, un zé:
— Némt déa Hailicha Gaist. 23 Vén yi aim zin zün foyéva, dén vara dai zün foyéft; óva, vén yi nich foyéva, dén vara dai nich foyéft.
24 Óva is pasit dat Tomas, a fo déa yünnra, vat niént ve “dai tsvilinnk”, dó nich ve mit é as Yezus kóma is. 25 Dun héva dai andra yünnra zécht ta Tomas:
— Vi héva déa Her za!
Hai antvout:
— Vén ik nich dai néichal-löcha za in zina hein, un nich mina finha dó rana xtöida dau, un ouk vén ik nich min hant an zin zia xtöit, dén dauk nich löiva!
26 Ain vék nó dém, vera Yezus zin yünnra véra dó toup in-yexlótan, un Tomas ve mit é. Yezus kaim, xtélt zich mannk é un zé:
— Dai fré xal mit yuch zin!
27 Nó dém, zéra ta Tomas:
— Kik min hein, un xtöit mit dim finha rana. Rék din hant ut un xtöit an min zia. Vés nich ón glouba, óva löif.
28 Dun zé Tomas:
— Mia Her un mia Got.
29 — Du hést löift datst mi za hést? — zé Yezus. — Frou zün dai vat nich za héva, óva héva líkast löift!
30 Yezus hét nóch féél anat tsaichan mókt fuó zina yünnra, vat nich in-xréva zün in deicham bauk. 31 Óva deich zün in-xréva voura tam dat yi löiva dat Yezus dai Mesias is, dai Gotes Yonn. Un dat duó yucham löivan, yi dat lévant héva duó ém.

#abíbliaempomerano #linguapomerana #semeandoapalavra